Ministria e Infrastrukturës ka njoftuar se do të mbyllet për qarkullim për të gjitha automjetet segmenti i autostradës Prizren Veri – kyqja Suharekë.

Kjo për shkak të punimeve që do të zhvillohen, respektivisht për nevoja të operatori KOSTT, për vendosjen e shtyllave përgjatë korridorit të Autostradës “Ibrahim Rugova“.

Mbyllja e segmentit të Autostradës kyqja Prizren Veri – kyqja Suharekë, do të bëhet me datë 08 maj (e premte) nga ora 08:00 e mëngjesit deri në orën 18:00, dhe me datë 09 maj (e shtunë)  gjithashtu nga ora 08:00 deri në orën 18:00 pasdite.

Ministria ka kërkuar nga të gjithë pjesëmarrësit në komunikacion që të shfrytëzojnë rrugët nacionale dhe rajonale gjatë kësaj periudhe kohore.