22 personat e Komunës së Rahovecit, që kanë qenë të vetizoluar pas kontaktit me shitësin e fidaneve nga Komuna e Malishevës, i infektuar me koronavirus, kanë rezultuar negativ.

Këtë për Gazetën Insajderi e ka konfirmuar, Kryetari i Komunës së Rahovecit, Smajl Latifi. Ai ka thënë se gjatë ditës së djeshme ka përfunduar koha prej dy javësh që ata janë karantinuar.

“Gjatë ditës së e kanë kaluar dy javshin nuk kanë asnjë shenj, gjatë gjithë kohës ata kanë qenë në kontakt me stafin e Qendrës së Mjekësisë Familjare si dhe me Institutin e Shëndetësisë Kombëtare si dhe veçanërisht me kryetarin Naser Ramadanin”, ka thënë Latifi për Insajderin.

Tutje i pari i Rahovecit ka treguar se tash ka mbetur vetëm të pritet nga Instituti i Shëndetit Publik nëse do t’i bëhen testet edhe njëherë këtyre 22 personave.

“Tash veç mbetet nesër ose pasnesër ata me kqyr me ja bo edhe njëherë testin, por si përfundim ata nuk asnjë shenj të koronavirusit”, ka thënë Latifi.

Një 23-vjeçar nga Malisheva kishte shkuar në Krushë të Madhe për shitje të fidaneve mirëpo nuk kishte qenë në dijeni se ishte i infektuar me koronavirus.

Ai së bashku me një person tjetër kishin thyer post-blloqet e policisë dhe kishin shkruar në Rahovec mirëpo më pas ishin arrestuar, ku pas arrestimit ai më pas ishte dërguar në Kliniken Infektive në Prishtinë. /Insajderi.com