20-05-2024

Policia jep detaje për grabitjen e armatosur në këmbimore

Mëngjesin e sotëm ka ndodhur një grabitje në një këmbimore në lagjen Tophane në Prishtinë.

Rastin e ka bërë të ditur zëdhënësja e Policisë së Kosovës, Flora Ahmeti, e cila tha se pas marrjes së informatave për grabitje njësitë policore kanë dalë në vendin e ngjarjes.

Sipas Ahmetit, dyshohet se nën kërcënimin e armës është grabitur një shumë parash.

“Policia në koordinim me prokurorinë po ndërmerr veprimet e nevojshme policore me qëllim zbardhjen e rrethanave të rastit”, tha Ahmeti./IO

Asnjë koment

Comments are closed.