24-05-2024

Prizren: Komuna krijon linjë për këshilla psikologjike për stresin dhe ankthin kundër Koronavirusit

Komuna e Prizrenit ka marrë iniciativë për krijimin e linjës për këshillim psikologjik lidhur me stresin dhe ankthin gjatë këtyre ditëve të pandemisë COVID-19.

Qytetarët do të mund të marrin këshillime psikologjike online duke telefonuar në Qendrën e Thirrjeve në numrin pa pagesë 0800 19 200 apo duke shkruar në WhatsApp dhe Viber në numrin +383 45 119 200, me ç’rast më pas do të drejtohen tek psikologët profesionalë.

Për ofrimin e këtij shërbimi janë në dispozicion 6 psikologë, të cilët janë të angazhuar vullnetarisht.

Ndërkohë, nëpërmjet Qendrës së Shëndetit Mendor në Prizren është duke u ofruar mbështetja psikologjike online përmes webfaqes https://ifightdepression.com/sq/ ku qytetarët mund të gjejnë informacione të dobishme për depresionin dhe trajtimin e tij.

Gjithashtu ata që mendojnë se janë duke kaluar gjendje depresioni të lehtë ose të mesëm dhe kanë nevojë për psikoterapi nga interneti mund të drejtohen në faqen UNË luftoj depresionin, duke dërguar mesazhe private në inbox për këshillime, thuhet në një njoftim nga komuna e Prizrenit.

Asnjë koment

Comments are closed.