Prof. Dr. Kadri Kryeziu promovoi tri libra universitare në UPZ (foto)

Prof. Asoc. Dr. Kadri Kryeziu u.d. Dekan në Fakultetin Juridik në Universitetin “Ukshin Hoti” të Prizrenit, ka bërë promovimin e tre librave të fundit të tij universitar: “E drejta kushtetuese”, “E drejta kushtetuese e krahasuar” dhe “Drejtësia kushtetuese”, përcjell “Gazeta e Prizrenit”.

Në njoftimin nga UPZ, thuhet se recentët e librave, Prof. Dr. Zemri Elezi, i cili njëherësh është edhe Kryetar i Senatit i Universitetit të Evropës Juglindore dhe Dr. Sc. Safet Hoxha, i cili njëherësh është anëtar i Gjykatës Kushtetuese të Republikës së Kosovës, folën në superlativ për kontributin e Prof. Kryeziut në këtë lëmi.

Ndërkaq, autori i librave, njëherësh u.d. Dekan i këtij Fakulteti, Prof. Asoc. Dr. Kadri Kryeziu theksoi se të gjithë punën e tij ia dedikon studentëve të tij dhe brezave të ardhshme.

Në fund të këtij aktiviteti të organizuar nga Fakulteti Juridik u bë simulimi i një rasti të Gjykatës Kushtetuese nga studentët e këtij fakulteti. /GazetaePrizrenit.net/