16-09-2021

Projekti ideor për rivitalizim të kino “Lumbardhit” do të diskutohet në shtator

Kërkesa qytetare e kanalizuar përmes Komunës së Prizrenit për kthimin në pronësi publike të kinemasë “Lumbardhi” (ish-Bistrica) u miratua javën që shkoi nga Qeveria e Kosovës dhe pas mbylljes së këtij kapitulli aktivistët konsiderojnë se duhet angazhim për ta definuar modelin e menaxhimit të kësaj hapësire, si dhe sigurimin e mjeteve të nevojshme financiare për rivitalizimin e plotë të saj, shkruan sot “Koha Ditore”.

“Tash mbetet të bëhet është përfundimi i procedurave administrative të transferit të pronës, përfshirë kompensimin e ish-punëtorëve të N. Sh. ‘Kino Bistrica’, të definohet modeli i menaxhimit të hapësirës, si dhe të sigurohet financimi për rivitalizimin e plotë të saj”, ka thënë Ares Shporta nga fondacioni “Lumbardhi”, që aktualisht e menaxhon kinemanë e lartcekur.

Projekti ideor për rivitalizim të kino “Lumbardhit” do të diskutohet në shtator

Sipas tij, tashmë është duke u punuar projekti ideor për këtë, i cili pritet të vihet në diskutim publik në shtator të këtij viti.

“Ekipi i kontraktuar nga ne është duke punuar në një projekt ideor që do të diskutohet me publikun në muajin shtator, i cili përveçqë do t’i definojë dhe ruajë vlerat e trashëgimisë së kinemasë, po ashtu do të trajtojë problemet strukturore, mekanike, si dhe urbanistike rreth kinemasë, me qëllimin e ofrimit të një hapësire cilësore, që edhe për shumë vjet do t’u shërbejë qytetarëve dhe komunitetit kulturor të Prizrenit”, ka deklaruar Shporta.

Asnjë koment

Comments are closed.