Publikohen dy versione se sa deputetë do t’i takojnë secilës part
Eugen Cakolli nga Demokracia në Veprim, përmes një njoftimi në facebook ka bërë të ditur se sipas rezultateve aktuale të votave, Lëvizjes Vetëvendosje i takojnë 47 ulëse në Kuvendin e Kosovës.
Canolli, u shprehë se disa rezultatet në vendvotimet e rregullta janë në përfundim, Partia Demokratike e Kosovës i merr 25 deputetë, Lidhja Demokratike e Kosovës 20 deputetë dhe Aleanca për Ardhmërinë e Kosovës 8 deputetë.
“Tashmë që rezultatet e vendvotimeve të rregullta në Kosovë pothuajse janë përfundimtare, ndarja e mandateve në Kuvendin e Kosovës për partitë shqiptare është:
1. LVV – 47 deputetë
2. PDK – 25 deputetë
3. LDK – 20 deputetë
4. AAK – 8 deputetë
Edhe pse ende mbeten në kalkulim rreth 100-120 mijë vota, përfshirë ato jashtë vendit dhe votat me kusht, ndikimi i tyre në rezultatin përfundimtar do të jetë margjinal.
Derisa votat me kusht ndjekin të njëjtin trend si votat e rregullta, në votat jashtë vendit LVV tradicionalisht performon dukshëm më mirë (bazuar në rezultatet e zgjedhjeve të kaluara)”, ka thënë Cakolli.
Ndërsa shtoi se nëse VV-ja i merr 60% të votave nga diaspora, do t’i marrë edhe dy mandate shtesë në Kuvend.
“Nëse LVV fiton rreth 60% të votave jashtë vendit, mund të marrë deri në dy mandate shtesë, duke arritur në gjithsej 49 deputetë.
Në variantin më pozitiv për LVV, kur fiton mbi 75% të votave jashtë vendit, mund të arrijë deri në 51 deputetë.
Ndërsa, në variantin negativ për LVV-në, kur merr më pak se 50% të votave jashtë vendit, mund të bjerë në 46 mandate”, ka shkruar Canolli./IO
