19-01-2021

Qytetarja bie në pusetë në lagjen Arbana, dënohen me burgim pronari dhe përgjegjësit e kompanisë

Gjykata Themelore në Prizren, ka shpallur aktgjykim dënues, ndaj të akuzuarve E.G., D.G., dhe B.M., me nga 6 muaj burgim, transmeton Gazeta e Prizrenit.

Në kumtesë, thuhet se me datë 09.07.2016, rreth orës 21:30 minuta në Prizren, në lagjen Arbana, në rrugën transit në bashkëveprim, dhe në kundërshtim me detyrimet e përcaktuara me ligj në cilësi të pronarëve dhe personave përgjegjës, nga pakujdesia dhe duke mos mbikëqyr punimet nuk i vendosin pajisjet për mbrojtje dhe sigurinë e jetës së njerëzve, me këto veprime shkaktojnë rrezik të madh për jetën e njerëzve, në atë mënyrë që e dëmtuara E.K., si pasojë e mos vendosjes së kapakëve në pusetat e hapura dhe mos vendosjes së shenjave sinjalizuese, apo shiritit tregues nga kompania e cila po zhvillon punimet në atë rrugë, e dëmtuara bie në pusetën e hapur ku edhe pëson lëndime të lehta trupore.

“Kësodore kanë kryer veprën penale shkaktim i rrezikut të përgjithshëm”, thuhet tutje.

Pas shpalljes së aktgjykimit, me propozimin e mbrojtësit dhe me pëlqimin e të akuzuarve (në kuptim të Kodit Penal të Kosovës), dënimi me burgim i është zëvendësuar në dënim me gjobë, në shumën prej 1,000 (njëmijë) euro, për secilin të akuzuar veç e veç. /GazetaePrizrenit.net/

Asnjë koment

Comments are closed.