12-07-2024

Pas shiut ndërprerje të rrymës në rajonin e Prizrenit e disa qytete, KEDS njofton për aktivizim të ekipeve në terren

KEDS ka njoftuar se pas reshjeve të shiut disa rajone ka pasur ndërprerje të rrymës, por se në disa vende ku është stabilizuar moti, disa dalje tashmë janë rikthyer në funksion.

KEDS-i thotë se reshjet e paralajmëruara të shiut për pasditen e sotme kanë mobilizuar ekipet e kësaj kompanie, me qëllim që të jenë në dispozicion për çdo eventualitet.

“Rrebeshet e shiut, të përcjella me erëra e shkarkime atmosferike, vende-vende edhe me breshër, kanë bërë që disa lartpërçues nëpër rajone të ndryshme të vendit të jenë jashtë funksionit”.

“Aktualisht, rajonet më të prekura janë Prishtina, Peja, Prizreni dhe Ferizaj”.

“Falë intervenimit të menjëhershëm të KEDS-it, në disa vende ku është stabilizuar moti, disa dalje tashmë janë rikthyer në funksion, ndërkaq ekipe shtesë janë aktivizuar në të gjitha vendet e prekura nga këto reshje shiu për të rikyçur konsumatorët sa më parë, për çka kërkojmë mirëkuptimin e tyre”, thuhet në njoftim./GS

Lexo edhe:

Prizren: Kryetari Shaqir Totaj injoroi varrimin e patriotit e veteranit të njohur Naim Krasniqi

Asnjë koment

Comments are closed.