Rrokulliset një veturë në autostradë afër Prizrenit, katër të lënduar
Katër persona janë lënduar si pasojë e një vetaksident që ka ndodhur sot në autostradën “Ibrahim Rugova”, konkretisht në dalje të Prizrenit drejtimi veri.
Kjo u bë e ditur për Klankosova.tv nga zëdhënësja e policisë Luljeta Mehmeti.
Ajo tha se një automjet ka humbur kontrollin dhe ka goditur mbrojtësit e rrugës duke u rrokullisur.
Mehmeti theksoi se viktimat janë transportuar në emergjencën e Prizrenit.
“Lidhur me rastin njësia e hetimeve të autostradës është duke u marrë me rastin, sipas procedurave të parapara për trajtim të mëtejmë të rastit”, tha ajo.
