25-09-2020

Sekuestrohen dru dhe arrestohen 4 persona në Vraniq të Suharekës

Me datë 11 maj 2020, stacioni policor në Suharekë, pas pranimit të informacioneve për dëmtimet në pyjet e mbrojtura të Parkut Nacional “Sharri”, dhe në zonat malore që mbulon Drejtoria e Pylltarisë në Suharekë sidomos në fshatin Vraniq, është realizuar një plan operativ së bashku me Inspektorët e Pylltarisë dhe janë kryer kontrolle në katër lokacione në këtë fshat:

Referuar njoftimit, lokacion i parë, ku i dyshimti ishte qytetari janë sekuestruar: metër kub dru për djegie, 1 traktor të modelit “Rakovica” me të cilin dyshohet se është kryer transporti në mënyrë ilegale dhe 1 motor sharrë.

Lokacioni i dytë, nga personi i dyshimtë B janë sekuestruar : 15 metër kub dru për djegie, për të cilat nuk ka mundur të siguroj dokumentacionin.

Lokacioni i tretë nga personi i dyshimtë K janë sekuestruar: 1 kamion të tipit “Mercedes”, 4 metër kub dru për djegie, dhe;

Lokacioni i katërt, nga personi i dyshimtë M janë sekuestruar gjithsej 50 metër kub dru për djegie për të cilat nuk ka pasur dokumentacion përcjellës.

Të gjitha veprimet janë kryer nën monitorimin e Prokurorit kujdestar të Shtetit, dhe me urdhër të Prokurorit të gjitha rastet janë proceduar në kundërvajtje në Drejtorinë e Pylltarisë në Suharekë.

“Policia rajonale në Prizren krahas aktiviteteve për parandalimin dhe zbatimin e masave për virusin Covid19, është e përkushtuar të parandaloj edhe veprat tjera penale  dhe sidomos do të jetë në mbrojtje nga dëmtimi dhe asgjësimi i pyjeve në bashkëpunim të vazhdueshëm më Agjencinë Pyjore të Kosovës, dhe do të ndërmarrë masa të menjëhershme në të gjitha rastet.

Poashtu Drejtoria Rajonale në Prizren ka ndërmarrë edhe disa aktivitete në zonën e Prevallës, ku janë iniciuar dy raste të ndërtimeve pa leje, raste këto të cilat janë dërguar në Inspektoratin e Ministrisë së Infrastrukturës, thuhet në njoftimin nga Policia Rajonale e Prizrenit. /GazetaePrizrenit.net

Asnjë koment

Comments are closed.