Koncerti “Sofra gurbetçare” mbrëmë ka mbledhur në Zhur të Prizrenit bashkatdhetarët, të cilët pos tjerash përveç përjetimit të programit artistik, kanë pasur rastin të takohen edhe shokë e miq të këtushëm dhe ata të shpërndarë në vende të ndryshme, shkruan ‘Gazeta e Prizrenit’

Veçori ishte shtruarja e sofrës me gatime tradicionale, në respektim të mërgimtarëve, një aktivitet ky simbolik, karshi kontributit që kanë dhënë mërgimtarët para, gjatë dhe pas luftës për popullin dhe shtetin e Kosovës.

Në programin e mbajtur në mjedis të hapur mori pjesë edhe ministri i Kulturës, Rinisë dhe Sporiti, Kujtim Gashi, mori pjesë në  aktivitetin “Sofra e Gurbetqarëve” të organizuar nga Ansambli “Emin Duraku” aktivitet ky i cili, mbështete financiarisht nga Ministria e Kulturës, Rinisë dhe Sportit.

Sipas drejtorit artistik të këtij koncerti, Hajdar Elezkurtajt, kjo ngjarje përkoi me rastin e shënimit të 70 vjetorit të AKV “ Emin Duraku”.

Ministri Gashi e vlerësoi si mbrëmje të mrekullueshme kulturore. “Sofra Gurbetqare” shtrohet për mërgimtarë në shenjë mirënjohjeje dhe falënderimi për punën dhe kontributin e tyre që kanë dhënë dhe po japin për Republikën e Kosovës në përgjithësi e posaçërisht për zhvillimin e jetës kulturore dhe ruajtjen e traditave shqiptare në mërgatë”, tha ai.

“Në kuadër të aktivitetit të organizuar në nderim të Mërgatës, shpërndava edhe mirënjohje për individë që kanë kontribuuar për zhvillimin e kulturës së Kosovës në vendet e Mërgatës ku jetojnë dhe veprojnë shqiptarët, duke e ruajtur kësisoj traditën, gjuhën e kulturën tonë”, tha ministri Gashi.

Tutje Gashi tha se në “MKRS po angazhohemi  vazhdimisht që organizimet e mirëfillta kulturore të kenë hapësirën dhe përkrahjen e nevojshme ashtu që bashkatdhetarët dhe qytetarët e Kosovës të kenë se çfarë të shohin e dëgjojnë dhe si ministër ndjehem jashtëzakonisht i lumtur për këtë”.

Kjo ngjarje kulturore sipas organizatorëve, në të ardhmen pritet të jetë tradicionale. /GazetaePrizrenit.net