Superliga e Kosovës në futboll vazhdon sot me tri ndeshje në kuadër të xhiros së 16-të.

Lideri, Ballkani në shtëpi takohet me Fushë Kosovën dhe shihet favorit për tre pikët e radhës dhe blindimin e vendit të parë edhe më shumë.

Derisa, Fushë Kosova kërkon befasinë dhe ikjen e pozitës së parafundit.

Një sfidë shumë interesante do të jetë mes Dukagjinit e Prishtinës. Momentalisht vetëm një pikë i ndan këto dy skuadra.

Kryeqytetasit janë të katërtit me 21 pikë, derisa klinasit të gjashtit me 20 sosh.

Përballja e parë mes njëra tjetrës u mbyll pa fitues 2:2.

Drita-Feronikeli 74 ndeshja e fundit e xhiros. Të kaltrit nga Gjilani përballen me Niklin me trajner të ri, pas largimit të Akis Vavalis.

Drejtimin e ka marr Zekirija Ramadani dhe detyra e tij është ta mbajë në garë për titull, ani pse është 10 pikë larg liderit. Feronikeli është i shtati me 15 pikë./FO

Lexo edhe:

Liria pëson debakël në Prizren, reagojnë “Arpaxhikt”