Talat Xhaferi: Ditë historike, s’ka fjalë për ta përshkruar vizionin e Ali Ahmetit

Talat Xhaferi, ish-komandant i Ushtrisë Çlirimtare Kombëtare në Maqedoninë e Veriut, pas pak do të bëhet kryeministri i parë shqiptar në shtetin fqinj.

Para shtatë vjetësh Xhaferi u bë kryeparlamentari i parë shqiptar në Kuvendin maqedonas dhe pak para momentit tjetër historik, ai ia atribuon këtë sukses të shqiptarëve Ali Ahmetit, ish kreut të UÇK-së dhe kreytarit të partisë më të madhe të shqiptarëve atje, Bashkimit Demokratik për Integrim.