Burrë e grua janë gjetur të vdekur në shtëpinë e tyre, sot rreth orës 12:25 në fshatin Pataqan i Poshtëm në Rahovec.

Kushtrim Zekaj, familjari i çiftit tashmë të ndjerë për televizionin publik ka treguar detaje në lidhje me këtë ngjarje të rëndë.

Ai tregon se çifti i të moshuarve kanë jetuar vetëm pasi që djemtë i kanë pasur në mërgim derisa vajzat të martuara.

“Nusja e familjes sonë ka shkuar t’i shohë çiftin dhe pasi e ka parë që dera ishte e mbyllur, është futur nga dritarja por që e ka gjetur të vdekur çiftin”, ka deklaruar Kushtrim Zekaj.

Ai thotë se dyshimet janë që fillimisht ka marrë zjarr adapteri i telefonit, më pas është përhapur tymi që duket se ka qenë fatal për të moshuarit.

“Vatra e zjarrit ka ardhur nga prizës ku ka qenë i vendosur mbushësi i telefonit dhe më pas janë djegur mobiliet. Në luftë me zjarrin ata duket se janë asfiksuar dhe kanë humbur jetën”.

Familjari i të ndjerëve thotë se Policia ka ardhur posa janë njoftuar.

Lexo edhe:

Ky është çifti që humbi jetën sot në komunën e Rahovecit