20-06-2021

Trusti heq dyshimet rreth sigurisë: Deri tani kanë aplikuar me sukses 120 mijë persona

Fondi i Kursimeve Pensionale të Kosovës, ka njoftuar se adresa e re për tërheqje të 10 për qindëshit nga trusti është e sigurt, teksa ka paralajmëruar se për tri orë e gjysmë, kanë aplikuar 120 mijë persona.

Njoftimi është bërë përmes një komunikate të lëshuar nga Fondi, teksa kanë njoftuar për hapjen e një uebfaqeje të re, në mënyrë të përshpejtimit të aplikimit, raporton Gazeta Express.

Lexo Edhe:

Dy të vdekur me Covid në Prizren, ndërsa 13 të infektuar

Për më pak se një orë, pas hapjes së aplikimit për tërheqjen e 10%-shit, arritën të aplikonin 30 mijë qytetarë.

Njoftimi i plotë:

NJOFTIM

Të nderuar kontribuues dhe qytetarë,

kemi paralajmëruar hapjen e aplikimeve sot në ora 15:00. Departamenti i Teknologjisë së Informacionit ka ngritur dyshime për sigurinë e uebfaqes, duke llogaritur edhe fluksin tejet të lartë të aplikuesve. Për të parandaluar çfarëdo risku, vendosëm ta ndërrojmë adresën e shërbimit.

Shumë shpejt kemi arritur që të gjejmë zgjidhje me një adresë të re, të cilën e kemi promovuar dhe ku aplikimi ka vazhduar me rreth gjysmë ore me vonesë.

Ndërkohë, prej kalimit në adresën e re, i kemi mbi 120 mijë aplikime të përfunduara me sukses brenda tri orësh e gjysmë.

Nuk kemi pretenduar se gjithçka mund të parashikohej por veprimi i marrë sot kishte të vetmin qëllim: sigurinë e kontribuuesve.

Duam të falënderojmë Agjencinë së Shoqërisë Informative (ASHI), e cila na dha ndihmë në këtë proces.

Asnjë koment

Comments are closed.