UEFA cakton gjyqtarin e Superkupës evropiane
UEFA të premten e ka caktuar gjyqtarin kryesor që do ta ndajë drejtësinë në ndeshjen finale të Superkupës së Evropës mes Real Madridit dhe Atalantas.
Zvicerani Sandro Scharer do të jetë gjyqtari kryesor i ndeshjes.
Ndihmësit e Scharerit do të jenë Fedayi San dhe Christian Dingert. Në VAR do të jetë Bastian Dankert.
![news image](https://i0.wp.com/sinjali.com/wp-content/uploads/2024/07/310e54d4-6f39-46d8-a976-b6770104ef64-600x360-1.webp?resize=320%2C192&ssl=1)
Scharer është gjyqtar i FIFA-s që nga viti 2015. 36-vjeçari ka ndarë drejtësi edhe në dy ndeshje në fazën grupore të “Euro 2024”.
Scharer ka qenë gjyqtar në 11 ndeshje në Ligën e Kampionëve dhe 18 ndeshje në Ligën e Evropës. Në elitën e futbollit zviceran, ka ndarë drejtësi në 160 ndeshje.
Ndeshja finale mes Real Madridit dhe Atalantës do të zhvillohet më 14 gusht në Poloni./GSS