Ujëvarat e Mirushës mbushen me ujë (FOTO)

Ujëvarat e Mirushës që ndodhet në fshatin Llapçevë të Komunës së Malishevës, janë pjesë e një parku me rëndësi të veçantë natyrore, shkencore, kulturore dhe turistike e Kosovës. Sipas IUCN, zona i përket kategorisë ”Peizazh i mbrojtur”, kurse rrjedha e lumit Mirusha i përket kategorisë ”Monument natyror”.

Mirëpo që nga vera e këtij viti ujëvarat e ‘Mirushës’ ka mbetur pa ujë, duke ndikuar kështu në zoologji dhe botanikë, por në të njëjtën kohë mungesa e ujit në këto ujëvara ka bërë që vendi të mos duket i njëjti.

Reshjet e fundit të shiut dhe borës që kanë përfshirë tërë vendin si duket kanë ndikuar për të mirë kundrejt ujëvarave të ‘Mirushës’. Në një fotografi të postuar në Facebook nga Berat Dakaj shihet se ujëvarat e ‘Mirushës’ tashmë kanë rrjedhën e njëjtën të ujit që kanë pasur dhe më parë./ KultPlus.com