Pas dy javësh trajtim në Qendrën Klinike Universitare të Kosovës, para disa orësh ka humbur jetën shoferi që u vetaksidentua në Ratkoc të Rahovecit, raporton Gazeta Sinjali.

Burimet brenda QKUK-së kanë bërë me dije se viktima nuk ka arritur t’iu bëjë ballë lëndimeve që ka pësuar dhe për pasojë vdiq.

Trupi i pajetë është dërguar në IML për obduksion, teksa edhe Policia është njoftuar për rastin.

Aksidenti ka ndodhur më 12 qershor, teksa viktima ishte në lëvizje në rrugën Xërxë – Kramovik dhe pasi kishte arritur në fshatin Ratkoc, ka humbur kontrollin mbi automjet dhe përplaset, duke pësuar lëndime të rënda.

I ndjeri fillimisht ishte trajtuar në Spitalin e Gjakovës, por është dërguar më pas në QKUK për shkak të gjendjes shëndetësore.