Gjatë vizitës në Prizren, ata kanë shfrytëzuar rastin ta vizitojnë edhe Kalanë e Prizrenit, transmeton Klan Kosova. Njëri prej motoçiklistëve i ka thënë Klan Kosovës se qyteti në fjalë po u ngjanë qyteteve kroate të bregdetit.

Ndërsa qytetarët i kanë mirëpritur mysafirët, me ç’rast edhe kanë bërë fotografi me ta.

Gjatë ditës së nesërme, ata do ta vizitojnë edhe Kuvendin e Kosovës ku do të priten në takim nga Kryeparlamentari Kadri Veseli. Më pas ata së bashku me kryetarin e komunës së Drenasit, Ramiz Lladrovcin, do t’i vizitojnë varrezat e Fehmi dhe Xhevë Lladrovcit.

Veteranët kroatë pritet të bëjnë homazhe edhe tek varrezat e familjes legjendare në Prekaz, ku do të priten në takim nga Bekim Jashari. Vizita e tyre do të përfundojë në fshatin Grabovc, ku do ta nderojnë varrin e heroit Bekim Berisha.

klankosova.tv