Vitamina K është një nga substancat më esenciale në grupin e vitaminave që i duhen trupit.

Ndihmon në funksionimin dhe qarkullimin e mirë të gjakut gjithashtu edhe në formimin e kockave të forta.

Kjo vitaminë shfaqet në dy forma si vitamina K-1 dhe K-2.

Nëse K-1 është forma e saj primare që vjen nga perimet jeshile, versioni K-2 shfaqet me shumicë tek proteinat e kafshëve dhe ushqimeve të fermentuara.

Gjithashtu bakteret që ndodhen në barkun tuaj mund të prodhojnë një sasi të vogël vitaminë K-2.

Në këtë artikull AgroWeb.org ju tregon disa nga vlerat dhe trajtimet natyrale që kjo vitaminë sjell në trupin tuaj.

Funksionet e Vitaminës K-2

Në një stadium afatgjatë ku morën pjesë 36,629 persona ndër vlerat e vitaminës K, studiuesit gjetën një sërë të dhënash mbi vlerat e vitaminës K-2.

Vitamina K-2 u pa se uli ndjeshëm tek pjesëmarrësit rrezikun e zhvillimit të sëmundjeve arteriale, veçanërisht tek personat me presion të lartë gjaku.

Ekspertët thonë se trupi ka 10 herë më shumë mundësi të thithë vitaminën K-2 se atë K-1.

Përveç rolit kryesor që K-2 luan në qarkullimin e mirë të gjakut, i dhuron trupit edhe një sërë benefitesh të tjera.

AgroWeb.org ju liston më poshtë disa nga sëmundjet kryesore në të cilat kjo vitaminë ndihmon.

Sëmundjet Kardiovaskulare

Vitamina K-2 mund të ulë rrezikun e prekjes nga sëmundjes e zemrës dhe të përmirësojë shëndetin e saj.

Kjo ndodh pasi vitamina K-2 aktivizon një proteinë që e ndalon kalciumin të ngurtësojë dhe bllokojë enët e gjakut.

Një dietë e pasur me këtë vitaminë mund të reduktojë rrezikun e sëmundjeve koronare të zemrës.

Shëndeti i Kockave

Vitamina K-2 ndihmon në krijimin dhe mbajtjen e kockave të mira dhe të shëndetshme.

Për shkak të prodhimit të madh të mineraleve si karboksilatina osteokalcina një proteinë përgjegjëse që çon kalciumin tek kockat.

Një studim i vitit 2017 i mbajtur në Japoni, ekzaminoi vitaminën K-2 tek femrat mbi 65 vjeç që vuanin nga osteoporoza.

Sipas këtij studimi vitamina K-2 ndihmoi në mos degradimin e kësaj sëmundje.

Ankthi dhe Depresioni

Nivelet e larta të sheqerit në gjak mund të shtojnë edhe riskun e prekjes nga deprersioni, ankthi apo problemet e memories.

Vitamina K-2 ka aftësi të normalizojë nivelin e sheqerit në gjak dhe për pasojë të ulë simptomat e depresionit apo ankthit.

Ushqime të Pasura me K-2

Produktet e bulmetit

Mëlçitë dhe organe të tjera të kafshëve

Mishi i viçit

Mishi i derrit

Të verdhat e vezëve

Mishi i pulës

Peshku

Sigurohuni të përfshini në dietën tuaj ushqimore sa më shumë ushqime të pasura me këtë vitaminë të mrekullueshme për shëndetin.

Si të Kuptoni që Keni Mungesë Vitaminë K-2

Mungesa e vitaminës K në përgjithësi prek një numër të madh të rriturish në të gjithë botën.

Personat me disa deformime të sistemit tretës apo stomakut si gastritit apo ulçera në shumicën e rasteve kanë mungesë vitamine K-2.

Konsumimi për një kohë e gjatë i antibiotikëve mund të vrasë bakteret e mira që ndodhen në trupin tuaj.

Përfshirë këtu edhe bakteret që formojnë vitaminën K.

Nëse vuani nga sëmundje të artritit apo ato kardiovaskulare sigurohuni të shtoni sasinë e marjes së kësaj vitamine./AgroWeb.org