22-09-2020

A është gjetur hajni që vodhi paratë e Xhavit Ukajt?

Policia e Kosovës ende nuk ka arritur të identifikojë hajnat që vodhën 100 mijë euro në shtëpinë e ish-deputetit Xhavit Ukaj, përkundë se ata lanë shenja të gishtërinjve gjatë plaçkitjes.

Djali i ish-deputetit biznesmen, të martën, tha për Express se janë në kontakt të vazhdueshëm me hetuesit policor.

“Policia na ka njoftuar se ende nuk kanë identifikuar hajnat, por se janë duke hetuar rastin”, tha Florent Ukaj për Express.

Ai ka mohuar raportimet e mediave se plaçkitësit janë kapur. Sipas tij, bëhet fjalë për një rast tjetër.

100 mijë euro i janë vjedhur para tri netëve ish-deputetit të Kuvendit të Kosovës dhe të asamblistit të LDK’së në Prizren, Xhavit Ukaj.

Ndryshe, ish-deputeti i LDK’së, Xhavit Ukaj, është pronar i kompanisë “Fatoni” e cila ka në pronësi tregun e Prizrenit, pika të karburantit, e edhe një supermarket në fshatin Piranë. /GazetaExpress/

Asnjë koment

Comments are closed.