Një 49 vjeçar nga Kosova raportohet të jetë arrestuar në Krasovici, pikën kufitare Kroaci-Mali i Zi.

B.B, nga Nerodimja e Poshtme e Ferizajt ishte i kërkuar nga Interpoli, bazuar në një fletarrest nga Serbia.

Sipas raportimeve të mediave kroate, i njëjti akuzohet për krime të luftës.

Nënkryetari i OVL UÇK-së Gazmend Syla, deklaroi për Klankosova.tv se bazur në informacionet fillestare, ai nuk gjendet në listat e veteranëve.

“Kam kontaktuar edhe me kryetarin e OVL-së në Ferizaj, as ai nuk ka gjetur diçka. Por, ne do të vazhdojmë verifikimet lidhur me rastin”, deklaroi numri dy i OVL-UÇK-së.