Nuk ka kaluar votimi i ndryshimit të Ligjit për Automjete, i cili do ta hiqte homologimin e veturave, raporton Gazeta Express.

Deputetët e Kuvendit të Kosovës nuk kanë votuar pro Projektligjit që ndryshon rregullimin me ligj të importit të veturave, në mënyrë që të hiqej pjesa e homologimit.

Opozita kritika të ashpra: Haskuka s’ka realizuar asnjë projekt kapital

Njëzetetetë deputetë kanë votuar pro, ndërsa 13 deputetë kundër. Kësisoj ky projektligj do të përsëritet në seancën e radhës.

Ndryshimi i ligjit është propozuar nga Lëvizja Vetëvendosje.

Sipas propozuesit Hekuran Murati, me këtë ndryshim të ligjit do t’i hiqej monopoli biznesmenit Blerim Devolli.

Homologimi i veturave është konsideruar si i panevojshëm edhe nga Bashkimi Evropian.

Për këtë shërbim, në Kosovë ka leje vetëm kompania QAK – Eurolab, e cila është në pronësi të Devollit. /Express/