Ademi tha se po punohet intensivisht në përfundimin e stadiumit, derisa tregoi edhe datën kur do të bëhet ndeshja testuese e stadiumit.

“Ministria ka ngritur nivelin e punës ku është duke u punuar në dy ndërrime, derisa është shtuar ritmi i punës dhe numri i punëtorve, në mënyrë që të punohet sa më shumë”, tha Ademi.

Ai po ashtu konfirmoi se ndeshja testuese do të jetë më 28 korrik.

Kosova kësisoj në rast të kompletimit me sukses të stadiumit, mund ta luajë në Prishtinë ndeshjen e dytë të grupit të saj në Ligën e Kombeve, ndaj Ishujve Faroe më 10 shtator./alo/