Duke u thirrur në meritat e tij të veçanta, kryetari i Kuvendit Komunal të Bujanovcit, Adnan Salihu i dorëzoi çmim Dibran Hoxhës, ish- rojës së valltares “Kallashi”, për të cilën “Drejtësia në Kosovë”, në shtator të vitit 2015 zbuloi se ka të regjistruara 155 vepra të kundërligjshme.

Në ngjarjen që u zhvillua në Tiranë, kryetari i Kuvendit Komunal të Bujanovcit se ishte kënaqësi e veçantë të dorëzoj çmime të tilla.

“Për mua ishte një kënaqësi e veçantë që isha prezent në këtë manifestim ku faktikisht ishin prezent personalitetet të ndryshme nga të gjitha trojet shqiptare dhe gjithashtu këtu ishin të pranishëm njerëz dhe veprimtarë të lëmive të ndryshme duke filluar nga arti e deri tek ata që i ushqejnë ata që kanë nevojë”, tha Salihu në një prononcim pas ngjarjes.

Në anën tjetër, “Kobra”, u zota se do të vazhdoj të ndihmoj të tjerët deri “në vdekje”.

“Patjetër deri në vdekje, unë kam lindur me vullnetin e dashurinë për të ndihmuar njerëzit”, tha Kobra.

Në shtator të vitit 2015 emisioni “Drejtësia në Kosovë”, ekskluzivisht solli hulumtimin mbi veprimtarinë e valltares Kallashi dhe bashkëpunëtorëve të saj si dhe rastet e regjistruara të tyre në polici në emisionin e titulluar si “Vallëzimi i Krimit”.