06-12-2021

Konfiskohen thasë me drogë në Suharekë

Policia e Kosovës, konkretisht  Drejtoria për Hetimin dhe Luftimin e  Narkotikëve – Njësia në Prizren dhe Njësia e Ferizajt, gjatë punës operative dhe marrjes se informatave nga burime relevante,  me datë 23.10.2021 me urdhër verbal të Prokurorit të Shtetit dhe aprovimin e Gjyqtarit të Procedurës Paraprake, ka realizuar një bastisje në shtëpinë dhe objektet përcjellëse të të dyshuarit  me iniciale (K.B.) në  fshatin  Sallagrazhd, Komuna e Suharekës me dyshimin se në shtëpinë e tij gjendet një sasi e substancave narkotike të llojit Marihuan.

Asistim në këtë operacion kanë ofruar edhe Njësitet për reagim të shpejtë (NJRSh) patrullat policore të stacionit Policor në Suharekë, si dhe forenzika rajonale.

Lexo edhe:

Kështu do të jetë përbërja e re e Kuvendit të Prizrenit, me nëntë parti

Sipas detyrës zyrtare janë ftuar edhe  dy avokat mbrojtës.

Gjatë bastisjes janë gjetur dhe sekuestruar dëshmitë/provat si në vijim:

#1 –  Njё (1) thes najlloni  i zi me substancë të dyshuar narkotike të llojit marihuanë, pas matjes rezulton me peshë  pesë (5) kg;

#2 – Njё (1) thes najlloni  i zi  me substancë të dyshuar narkotike të llojit marihuanë, pas matjes rezulton me peshë  pese (5) kg;

#3 – Njё (1) thes najlloni i zi me substancë të dyshuar narkotike të llojit marihuanë, pas matjes rezulton me peshë  katërqind (400) gram;

#4 – Një (1) peshore elektrike ngjyrë e bardhë

#5 – Tri (3) rolle plastike që shërbejnë për paketim të substancës narkotike;

#6 – Një (1) aparat elektronik për shërbim të  vakumimit të qeseve plastike –paketim të marihuanës.

Njësitet relevante policore janë duke zhvilluar hetime lidhur me rastin dhe po punojnë me intensitet te madh në arrestimin e personit të dyshuar që këto momente ndodhet në arrati.

Policia e Kosovës është e përkushtuar në parandalimin dhe luftimin e veprave penale në përgjithësi, veçanërisht masa rigoroze ligjore do të aplikohen ndaj personave të përfshirë në përdorim shitje apo abuzim me substanca narkotike.

 

 

Asnjë koment

Comments are closed.