15-07-2024

Kurti në Turqi, takim me kryetaren e parë me prejardhje shqiptare të një komune

Kryeministri i Kosovës, Albin Kurti, është takuar me kryetare e parë grua në komunën e Foçës, në provincën e Izmirit, Saniye Bora Fici.

Këtë e ka bërë të ditur përmes një postimi në Instagram:

Postimi i plotë i Kurtit:

Saniye Bora Fıçı është Kryetarja e parë grua e Komunës së Foçës, në provincën e Izmirit. Ajo është me prejardhje shqiptare. Stërgjyshi dhe stërgjyshja e saj u shpërngulën në Turqi në vitin 1912, por asnjëherë nuk u shkëputën nga identiteti e kujtesa e tyre kombëtare.

Si trashëgimtarja e tyre, përfaqësuese e mërgatës sonë e shërbyese publike e banorëve të komunës që drejton, Saniye na mirëpriti ngrohtësisht e bashkë biseduam rreth kontributit të mërgatës shqiptare në Izmir dhe Turqi, dhe për rolin e saj në raportet dypalëshe ndërmjet Kosovës dhe Turqisë.

 

Asnjë koment

Comments are closed.