Një ngjarje e rëndë ka ndodhur sot në familjen Beqiraj, në Prishtinë, ku një burrë është gjetur pa shenja jete, raporton Gazeta Sinjali.

Burimet e Gazetës Sinjali bëjnë me dije se  Veli Beqiraj është gjetur pa shenja jete në banesën e tij te Rruga C.

Ekipi mjekësor ka dalë menjëherë në vendin e ngjarjes, me ç’rast kanë hyrë në banesën e të ndjerit ku kanë hasur në trupin e viktimës.

Pas ekzaminimit për shenjat vitale, mjeku kujdestar ka konstatuar se ai ka ndërruar jetë. Në vendin e ngjarjes kanë dalë edhe njësitë policore të cilët kanë kryer ekzaminimet e nevojshme që ndihmojnë në zbardhjen e rrethanave të rastit.

Me urdhër të prokurorit, rasti është iniciuar ‘Hetim i vdekjes’, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Lexo edhe:

Prizren: Ngritet aktakuzë e re ndaj Shkodran Pulajt, ja për çfarë akuzohet