Një rast i armëmbajtjes pa leje u zbulua dje në Dragash, ku Policia gjatë kontrollit të një automjeti ka konfiskuar një armë pushkë-mitrolez pa fishek si dhe ka arrestuar një të dyshuar.

Gazeta Sinjali ka mësuar se personi i cili u kap me armë është 43 vjeçari, F. Hoti – i cili deklaroi se armën e gjeti në një lumë afër Vermicës.

I dyshuari është intervistuar nga Policia dhe me vendim të prokurorit është dërguar në mbajtje.

Sinjali do t’iu mbajë të informuar për çdo risi nga ky rast.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.