Lladrovci deklaroi se është normale që të tërhiqen ambasadorët politikë por shton se nuk është dashur që të ketë shkarkime pa i paralajmëruar disa muaj më herët.

“Të gjitha partitë në pushtet i kanë ambasadorët politikë, jo të karrierës por politikë. Në mesin e tyre jam kanë edhe unë. Në momentin kur vjen dikush tjetër në pushtet, e ka të drejtën legjitime me i tërheq ambasadorët politikë e më i çu ambasadorët e vet. Vendimi i Qeverisë është në rregull, nuk është dashur me i tërheq krejt përnjëherë se duhet me i zgjedh njëherë, e me i paralajmëru se përgatitu se nuk je më vonë. Se kanë edhe kontrata me banesa atje e duhet me u shkarku e nesër pastaj s’mundesh me u kthy, se kaq shpejt veç ai që ka bë ndonjë incident duhet me u kthy. Më duket se i kanë dhanë afat, por nuk duhet me e lanë ambasadën në nivel sekretarësh”, tha Lladrovci në Kallxo.

“Në vlerësim të diplomatëve, unë i kam thanë Ministrisë se filan diplomatin trajnone se keni çu diplomat e s’din me shkru me kompjuter. Nuk e kanë trajnu, po te unë nuk ka nejtë se e kam kthy”, shtoi ish-ambasadori.

Ramiz Lladrovci në vitin 2014 ishte emëruar Ambasador i Kosovës në Shqipëri me një vendim nga ish-ministri i Punëve të Jashtme, Enver Hoxhaj.