E dyshuara ndodhet në paraburgim që nga tetori i vitit të kaluar.

Sipas aktakuzës, më 04. 08.2018, në fshatin LLadrovc, Komuna e Malishevës, e pandehura N. Rr, me dashje, për motive të panjohura ka privuar nga jeta tani të ndjerin S.B.

Aktakuza thotë se përderisa ishin duke ecur me automjetet e tyre, në një çast e pandehura e kishte ndalur veturën dhe kishte shkuar te vetura e tani të ndjerit, ishte ulur në automjetin e tij, e kishte nxjerrë nga çanta revolen, dhe e kishte qëlluar të ndjerin disa herë në kokë dhe në qafë.

Gjithashtu e dyshuara akuzohet se më parë e deri më 04.08.2018, pa autorizim ka mbajtur armë, të cilën edhe e ka përdorur për ta privuar nga jeta tani të ndjerin S.B, dhe kështu ka kryer veprën penale “Mbajtje në pronësi, kontroll ose posedim të paautorizuar të armëve”, thuhet në komunikatë.

Prokurori i rastit ka propozuar Gjykatës Themelore në Gjakovë që e pandehura të dënohet sipas ligjit për veprat penale të cilat i vihen në barrë.