29-10-2020

MASH me thirrje për kujdes në shkolla, paralajmëron mbyllje nëse përkeqësohet gjendja

MASH në një deklaratë për media gjithashtu kërkon nga Drejtoritë Komunale të Arsimit (DKA) që të kujdesen për dezinfektimin e vazhdueshëm dhe mirëmbajtjen e shkollave sipas rekomandimeve të IKSHPK-së, MSH-së dhe Udhëzuesit për organizmin e mësimit në kushte pandemie.

Lexo edhe:

Komuna e Prizrenit del keq edhe në fushën e Infrastrukturës rrugore (Dokument)

Ministria e Shëndetësisë dhe IKSHPK, paralajmëroi se nëse situata pandemike përkeqësohet,mund të marrin vendim për mbylljen e shkollave.

“MASH kërkon nga task forcat e shkollave dhe të DKA-ve që, përveçse të kujdesen për zbatimin e të gjitha masave, të vlerësojnë edhe situatën dhe ato shkolla që kanë vështirësi në organizim, të respektojnë vendimin e Ministrisë së Arsimit për fillimin e vitit të ri shkollor 2020-2021 në kushte pandemie, dhe të kalojnë në mësim online, sipas Protokolit të reagimit ndaj pandemisë COVID-19 në shkolla dhe Udhëzuesit të MASH”.

Mësimdhënësit dhe nxënësit e të gjitha niveleve parauniversitare të Republikës së Kosovës, niveli parashkollor, fillor, i mesëm i ulët dhe i mesëm i lartë mund t’i përcjellin regjistrimet e përmbajtjeve mësimore në platformën e Shqipërisë www.akademi.al, ku me rastin e regjistrimit duhet përzgjedhur Kosovën si vendi ku zhvilloni mësimin, ndërsa qasja në këtë platformë duhet konfirmuar përmes e-mailit.

Asnjë koment

Comments are closed.