Ndaj pronarit të një lokali në Prizren është iniciuar procedurë,  pasi  gjatë 24 orëshit të kaluar është zënë duke punuar përtej kohës së paraparë, transmeton “Gazeta e Prizrenit”.

“Prizren  05.08.2020-23:25. Gjatë patrullimit policia ka vërejtur se një lokal ishte duke punuar jashtë orarit të përcaktuar sipas vendimit të Qeverisë. Lidhur me rastin është intervistuari dyshuari mashkull kosovar dhe të njëjtit i është iniciuar procedurë dhe rasti procedohet në procedurë të rregullt”, thuhet në raportin ditor të Policisë.

Mbështetur në raportet zyrtare të Policisë, që nga fillimi i epidemisë, herë pas herë në Prizren është raportuar se janë hasur lokale, të cilat nuk kanë respektuar  dispozitat shëndetësore gjatë epidemisë, pasi kanë punuar përtej kohës së rregullt. /GazetaePrizrenit.net