Një person është gjetur pa shenja jetë në fshatin Medvec të Prizrenit.

Policia ka bërë të ditur në raportin 24 orësh, se bëhet fjalë për një 18 vjeçar, trupi i të cilit dje është dërguar për obduksion.

Viktima s’kishte shenja dhune, ndërsa policia e ka vlerësuar si vdekje e dyshimtë.

“Është raportuar se viktima mashkull K/Shqiptar 18 vjeç është dërguar pa shenja jete në spitalin rajonal në Prizren. Njësitë policore kanë dalë në vendin e ngjarjes sipas mjekëve viktima nuk duket se ka shenja dhune”, thuhet në raport.

Me urdhër të prokurorit trupi i pa jetë është dërguar në IML për obduksion”, thuhet në raportin e Policisë.

Ndërkaq,  në një postim të bërë në faqen “Fshati Medvec” njoftohet për vdekjen e të riut, me emrin Albert.

“O Zot i madh ç’na dëgjuan veshët, çfarë fatkeqësie. Alberti më i miri, më i urti, më i sjellshmi, IKU nga kjo botë ,ende pa i mbushur të 20-at ! iku kaq papritur,duke lënë dhimbje dhe pikëllim të madhe. Sot, jo vetem familjaret, por i tërë Medveci, humbi një djal shembullor , nxënës i mirë ,dhe sherbyes i të mirës, të keti lokaliteti” është shkruar në facebook./GazetaePrizrenit.net