19-01-2021

Policia shpall në kërkim një shtetas turk, dyshohet për vrasjen në Prishtinë

Policia e Kosovës njofton se ka shpallur në kërkim, një person, shtetas turk, i dyshuar për vrasjen e një personi të dielën në Prishtinë.

Policia ka kërkuar ndihmën e qytetarëve për ta gjetur personin e dyshuar dhe ka publikuar fotografinë e tij.

“Referuar rastit të vrasjes që ka ndodhur sot rreth orës 12:00 ne rrugën “Bekim Fehmiu” në Prishtinë. Drejtoria Rajonale e Policisë – Prishtinë, pas identifikimit të personit të dyshuar me autorizim të Prokurorisë së shtetit, shpallë në kërkim personin e dyshuar; ATILA YALDIRIM (1967), shtetas i Turqisë. Duke i falënderuar qytetarët për bashkëpunimin e vazhdueshëm, në veçanti për këtë rast, po ju përcjellim fotografinë e pesonit të dyshuar dhe kërkojmë nga të gjithë ata që kanë informacione lidhur me vendndodhjen e personit të kërkuar ta njoftojnë policinë në numrin 192″, thuhet në komunikatën e Policisë.

Rreth orës 12:00 të dielën në rrugën “Bekim Fehmiu” në Prishtinë, një person u vra me armë zjarri.

Policia tha se dyshon se i dyshuari dhe viktima kanë qenë brenda së njëjtës veturë “dhe i dyshuari nga mbrapa ka shtënë me armë zjarri në viktimën, mashkull i cili për pasojë ka humbur jetën”.

Revolja, me të cilën dyshohet është kryer krimi është gjetur 100 deri 150 metra nga vendi i ngjarjes, në një kosh plehrash.

Asnjë koment

Comments are closed.