Dy ditët e fundit në  Spitalin rajonal “Prim.Dr. Daut Mustafa” të Prizrenit, në repartin  Obstetrik  (salla e lindjes) jo vetëm që ka pasur numër të njëjtë të lindjeve, nga 10 sosh, por karakteristikë tjetër është edhe numri i njëjtë i gjinisë së foshnjave të lindura,  ku dominojnë meshkujt, shkruan “GazetaePrizrenit.net”.

Në raportin ditor,  për të enjten e të premten,  shihet se në të dy ditët ka lindur numër i njëjtë i foshnjave edhe sa i përket gjinisë.  Në të dyja rastet kanë lindur nga 9 meshkuj dhe vetëm një femër.

Për dallim nga ditët tjera, kur herë është më i madh numri i djemve e herë e herë i vajzave, megjithatë shifrat janë të përafërta, e jo sikur në këtë rast, ku 90 % janë djem.

Sipas punonjësve të repartit,  raste të tilla të përputhjes së numrit të të lindurve dhe të gjinisë nuk janë të shpeshta./GazetaePrizrenit.net/