28-09-2022

Prizren: Mashtrimet me bileta ( Video )

Pavarësisht ngritjes së çmimeve, bashkatdhetarët janë ata që konsiderohen vazhdimisht infuzion financiar i Kosovës. Edhe këtë verë ka nisur fluksi i ardhjes së tyre në vendlindje. Po,r ka edhe të atillë që kanë rënë pre e mashtrimeve me bileta nga kompanitë e udhëtimit. Këtë mashtrim e pësoi edhe familja 8-të anëtarëshe nga Prizreni , që kishte rezervuar biletat që nga 5 prilli i këtij viti.

Verim Muja nga Prizrenit jeton e punon në Gjermani. Këtë verë ai kishte planifikuar që pushimet t`i kalonte në vendlindje Ai për tetë anëtarë të familjes u kujdes që nga 5 prilli t`i siguronte biletat e avionit nga një kompani përmes internetit.

Tri ditë para se të niseshin për Kosovë u kontaktuan nga agjencia në fjalë dhe iu kërkua që udhëtimi të realizohej më 12 korrik e jo më 13 siç ishte planifikuar fillimisht.

Gjithmonë sipas rrëfimit të Verimit, kompania në fjalë ishte kujdesur edhe për adresën e saktë në Dyseldorf.

Pasi gjithçka dështoi, familja Muja u detyrua që të udhëtonte ndaras me autobusë. Si kjo familje, pësuan edhe të tjera.

Verim Muja për atë që i ndodhi familjes së tij thotë se ka vendosur t`u drejtohet organeve të drejtësisë, pasi për biletat e aeroplanit të kompanisë jo reale, pagoi 2800 euro. RTK ka provuar të kontaktojë me kompaninë në fjalë, mirëpo ata kanë qenë të paqasshëm.

Asnjë koment

Comments are closed.