Prizren: Paraburgim një personi që organizoi skema piramidale dhe bixhoz
Një muaj paraburgim i është caktuar një personi për organizim të skemave piramidale dhe bixhozit të paligjshëm, nga Gjykata Themelore në Prizren.
Gjykata e ka marrë vendimin pas mbledhjes së dëshmive, nga sekuestrimi i 6 aparateve elektronike për lojëra të fatit të sekuestruara nga Policia, foto dokumentacioni ku shihen aparatet e lojërave, lokali dhe të tjera prova.
“Me qëllim të përfitimit të kundërligjshëm, duke vepruar në vazhdimësi në mënyrë të fshehtë dhe të kundërligjshme i pandehuri ka organizuar lojëra të fatit, duke i nxitur qytetarët të moshave të ndryshme që të luajnë në lojëra të tilla, në anën tjetër duke marrë parasysh sjelljet e tij dhe vendosmërinë që të kryejë këtë vepre penale edhe përkundër ndalimit me ligj”, ka njoftuar Gjykata.
