Federata e Basketbollit e Kosovës (FBK) dhe Federata e Sportit Shkollor në Republikën e Kosovës (FSSHRK) kanë vazhduar me vizita në shkolla, raporton Gazeta e Prizrenit.

Kësaj radhe qëndruan në mesin e fëmijëve të shfmu “Fadil Hisari” në Prizren.

Vizitat po bëhen në kuadër të Programit të rëndësishëm “Sport në Shkolla”.

“Në vizitë kanë qenë Edita Medunjanin, Menaxhere e Projekteve në FBK së bashku me Dren Marselin, Menaxher i Projektit nga FSSHRK, si dhe me Arbisa Shefkiun, koordinatore e programit nga FSSHRK”, thuhet në noftimin e FBK-së.

Në vizitë iu bashkëngjitën basketbollistet e KBF Bashkimit dhe ata të Proton Cable Prizrenit.

Vizita ka kaluar në atmosferë pozitive, ku fëmijët kanë pasur të bëjnë pyetje për basketbollistet/ët dhe t’i njohin ato/a nga afër, si dhe të marrin nënshkrime. /Gazeta e Prizrenit.