28-09-2021

Rahoveci rrit arkëtimin e mjeteve nga tatimi në pronë

Drejtoria për Buxhet dhe Financa në Komunën e Rahovecit e angazhuar në rritjen e të hyrave në Tatim në Pronë, nga ky angazhim kjo drejtori ka rritur të hyrat për 31 mijë e 151, 68 euro për gjashtë mujorin e parë të vitit 2018.

Në të njëjtën periudhë të vitit 2017 të hyrat kanë qenë 160 mijë e 439, 37 euro, kurse për vitin 2018 të hyrat janë pak mbi 192 mijë euro.

Drejtori për Buxhet dhe Financa, Afrim Limani për rritjen e të hyrave të Tatimit në Pronë thotë se e gjithë kjo është bërë nga puna e mirë që është duke u bërë në këtë drejtori dhe vetëdijesimi i qytetarëve për të paguar Tatimin në Pronë. Ai shprehet se të hyrat e Tatimit në Pronë në gjashtë mujorin e parë të vitit 2017 kanë qenë 160 mijë e 439, 37 euro, kurse në gjashtëmujorin e parë të vitit 2018 të hyrat janë 192 mijë e 051,05 euro dhe dallimi është për 31 mijë e 151, 68 euro më shumë të hyra gjatë vitit aktual.

Drejtori Limani, thotë po ashtu se të hyrat e Tatimit në Pronë qytetarëve të Komunës u kthehet përmes projekteve të cilat i realizon Komuna dhe që kanë të bëjnë me rregullimin e  infrastrukturës, kanalizimit, krijimin e hapësirave të gjelbërta dhe projekte të tjera, të cilat janë në interes të qytetarëve./gazetaeprizrenit.net/

 

Asnjë koment

Comments are closed.