Të hënën bëhet publik koalicioni VV-Nisma”, deklarohet analisti i pushtetit

Analisti i afërt me Lëvizjen Vetëvendosje, Sadri Ramabaja, ka thënë se të hënën (nesër) pritet të bëhet publik koalicioni LVV-Nisma.

Ramabaja këtë e ka thënë në një deklarim për MCN TV, përcjell Insajderi. “Është në proces të përfundimit të një koalicionin formal me Nismën Socialdemokrate, që drejtohet nga Fatmir Limaj dhe unë mendoj që më së largu deri në ditën e hënë do të bëhet publike edhe kjo marrëveshje“, ka thënë ai.
Limaj pas zgjedhjeve e kishte lënë mundësinë e hapur që të bashkëpunojë me partinë e Kurtit.