Këngëtarja e njohur me famë ndërkombëtare, Rita Ora me ndjekësit e saj ka ndarë një moment shumë emocionues e që ka të bëj me emërtimin e një rruge në Prishtinë, me emrin e gjyshit të saj, Besim Sahatçiut, shkruan “Zëri.info”.

Rita përmes një fotografi të vendosur në “InstaStory”, ka shkruar se është shumë e lumtur që kjo rrugë mban pikërisht emrin e gjyshit të saj.

“Gjyshi im ka qenë një nga regjisorët e parë në Kosovë, jam shumë e lumtur që tani një rrugë në Prishtinë mban emrin e tij”, ka shkruar Rita.

Përndryshe këngëtarja ka prejardhje nga Prishtina dhe këtë nuk heziton ta pranoj asnjëherë pasi që vazhdimisht ndihet krenare që ka prejardhje pikërisht nga Kosova.