Në rrethin Segamat të këtij shteti, 32 policë vishen si kuzhinierë e kamerierë për t’i zënë myslimanët që hanë ushqime gjatë muajit të shenjtë Ramazan.

Nëpunësi i maskuar mund t’ua ofrojë racionin ushqimor dhe fotografinë tënde ta dërgojë në sektorin lokal për çështje fetare, transmeton Koha.net.

Mjeshtrit më të mirë për përgatitje të çajit e të pastave janë zgjedhur nga radhët e nëpunësve të sektorit për çështje fetare për kryerjen e detyrave që do t’i bëjnë në 185 objekte ku do të përgatitet ushqimi.

Edhe një kusht për punë ka qenë ngjyra e lëkurës sepse shumë punëtor në restorante janë migrantë.

“Në veçanti kemi zgjedhur policët që janë të zotët për punë sekrete”, ka thënë kryetari i Këshillit Komunal të Segamatit, Mohammed Masni Vakiman, njoftojnë medie ndërkombëtare.

“Duket më bindëse kur flitet me gjuhën indoneziane ose pakistaneze, ashtu që klientët do të besojnë që vërtetë janë të punësuar për të përgatitur ushqime e për të shërbyer dhe ata porosisin pa dilema e menjëherë”.

Nëse këta policë i zënë myslimanët që nuk agjërojnë, shkelësit do të dënohen me gjobë 329 dollarë ose me 6 muaj burg dhe shpesh, ekziston mundësia, që të dënohen më të dyja.

Grupi për të drejtat e njeriut që përpiqet për mbrojtjen e të drejtave të femrave myslimane në Malajzi “Motrat e Islamit” e ka gjykuar këtë iniciativë nëpër restorante dhe e ka quajtur atë “akt të turpshëm spiunimi”.