Sot vendoset për fatin e pasurisë së “Burdushit”
Sot, në orën 13:00 është paraparë të mbahet seanca gjyqësore, në të cilin Gjykata Themelore e Prizrenit, do të vendos për shqyrtimin e konfirmimit të ndalimit të përkohshëm ( sekuestrimin) të pasurisë së mjekut popullor, Hysri Peqani i njohur si “Burdushi”, shkruan “GazetaePrizrenit.net”.
Seanca do të mbahet, sipas kërkesës së Prokurorisë Themelore në Prizren për lëshim të urdhrit për ndalim afatgjatë për pasurinë e konfiskuar, në vlerë prej 2.6 milion euro nga “Burdushi”.
Por, nuk dihet nëse do të mbahet seanca, pasi dje kanë dështuar shumë të tilla, për shkak të grevës së avokatëve.
Mbajtja e saj, në këtë rast varet prej avokatëve të angazhuar nga “Burdushi”.
“GazetaePrizrenit.net” ka shkruar dy ditë më parë më gjerësisht për rastin:
Seancë gjyqësore për fatin e pasurisë së sekuestruar të “Burdushit” në vlerë 2.6 milion euro