10-08-2020

Vdes nga koronavirusi protestuesi anti-karantinë, që quante epideminë “komplot politik”

Një protestues amerikan që kundërshtonte bllokadën prej pandemisë Covid-19, ka vdekur nga koronavirusi në moshën 60 vjeçare.

John McDaniel, nga Ohio, vdiq dje në spitalin e Columbus, dy javë pasi rezultoi pozitiv me Covid-19.

Më 15 mars ai protestonte kundër guvernatorit të Ohio, Mike DeWine për mbylljen e bizneseve dhe aktivitetit, duke shkruar në Facebook: “DeWine ka mbyllur baret e restorantet, kjo është maskarallëk! Ai nuk ka autoritetet për këtë, ai që ka frikë se mos sëmuret, të mos dalë. Kjo çmenduri duhet të marrë fund”.

  • Më herët McDaniel sugjeronte se rreziku i koronavirusit është ekzagjeruar: “A ka njeri guxim të thotë se Covid-19 është një lojë politike? Dikush të më provojë të kundërtën”.

    Çuditërisht prej atëherë faqja e tij në Facebook është fshirë, edhe pse opinione të tjerë skeptike ndaj Covid-19 vijonë të qarkullojnë në internet.
    McDaniel lë pas gruan dhe dy fëmijë. Ai u bë rezidenti i parë i qytetit Marion që vdes nga Covid-19.

    Protestues të armatosur janë parë pranë ndërtesave qeveritare në disa qytete të SHBA, si pjesë e një lëvizjeje në rritje kundër masave të izolimit, e quajtur së fundmi ‘Re-Open America.’ Por guvernatorët janë zotuar të ruajnë masat e bllokimit të pandemisë teksa numrat e infektimit vijojnë rritjen në vend.

    Protestues të armatosur janë parë pranë ndërtesave qeveritare në disa qytete të SHBA, si pjesë e një lëvizjeje në rritje kundër masave të izolimit./Top Channel

    Asnjë koment

    Comments are closed.