Vuçiq i ankohet ambasadorit rus: Ditë të vështira për serbët
Presidenti serb, Aleksandër Vuçiq, i ka shprehur shqetësime ambasadorit rus, Aleksandër Çepurin, rreth asaj që, sipas Vuçiqit po ndodh në Kosovë.
Vuciq fillimisht ka thënë se i vjen keq për lëndimin e shtetasit rus, Michail Krasnoschenko gjatë aksionit antikontrabandë të Policisë së Republikës së Kosovës në veriun e vendit.
“Dy ditët e shkruar kanë shumë të vështira për serbët në Kosovë dhe për Serbinë dhe se të gjithë hapat e Prishtinës dëshmojnë se asgjë më lehtë nuk do të jetë as në të ardhmen”, ka thënë presidenti serb.
Çepurin ka thënë se Rusia e “dënon me vendosmëri provokimin e padyshimtë” i cili, siç tha, është “shprehje e arrogancës së autoriteteve të Prishtinës”, ndërsa ka kërkuar “hetim të plotë e dënim për aktorët”.
Ai ka shtuar se me kërkesat e Rusisë është njoftuar sekretari i Përgjithshëm i OKB-së si dhe misioni i KB-së në Kosovë.
Vuçiqi e ka falënderuar Rusinë për ndihmën në mbrojtjen e integriteti territorial dhe sovranitetit të Serbisë.
