Në postimin e faqes zyrtare të LVV-së njoftohet se lideri i kësaj partie, të shtunën ka qëndruar në Zym të Hasit, ku tha se Atë Shtjefën Gjeçovi ka bërë studime të kulturës shqiptare dhe kishte grumbulluar thesarin e traditës sonë, ndërsa duke përkujtuar atë vendi ynë mund të ecë sigurt para.

Postimi i plotë i Lëvizjes Vetëvendosje:

Sot janë mbushur 90 vjet prej vrasjes së Atë Shtjefën Gjeçovit. Të shtunën, kryetari Albin Kurti bashkë me përfaqësues, zyrtarë e aktivistë të Lëvizjes Vetëvendosje qëndroi në Zym të Hasit me rastin e organizimit të manifestimit “Takimet e Gjeçovit”. Paraprakisht ata vizituan varrin e Shtjefën Gjeçovit në Shën Gjergj, restaurimi i të cilit u përurua. Në fjalën e tij, kryetari Kurti, përveç tjerash, tha: “At’ Shtjefën Gjeçovi ka bërë studime të kulturës sonë dhe ka grumbulluar thesarin e traditës sonë. Duke përkujtuar atë, ne mund të ecim më sigurt dhe më mirë përpara.”