Kryetari i Lëvizjes Vetëvendosje në Prizren, njëherësh deputeti Artan Abrashi, ka njoftuar përmes një postimi në Facebook, duke publikuar një dokument që, sipas tij, tregon se Adonis Totaj, djali i kryetarit të Komunës së Prizrenit, Shaqir Totaj, renditet i pari në listën e kandidatëve të përzgjedhur në një konkurs për punësim në Gjykatën Themelore në Prizren.

Postimi i Abrashit:

Prizreni po fundoset në borxhe, projektet po dështojnë një nga një, ndërsa komuna mezi merr frymë.

Ama, jo të gjithë janë në hall.

Urime krerëve të komunës për hapjen e bizneseve të tyre private këto ditë! Ju shkoftë puna mbarë. Urime edhe për punësimin e familjarëve. Në fund të fundit, bile dikujt kjo qeverisje po i sjellka bereqet.

Për qytetarët mbesin borxhet. Për pushtetarët, bizneset dhe punësimet. Secili me “fitimet” e veta.

https://www.facebook.com/share/p/1GY5jf9Lt7/