Ambasadori i Republikës së Turqisë në Beograd, Tanju Bilgiç, gjatë ditës së sotme është takuar Marko Gjuriqin, i cili mban pozitën e Drejtorit në të ashtuquajturën “Zyrë për Kosovë e Metohi” në Qeverinë e Serbisë.

Në njoftimin e publikuar në profilin e Ambasadës Turke në Beograd thuhet se “Ambasadori Tanju Bilgiç është takuar me Drejtorin e Zyrën për “KIM” Marko Gjuriq dhe kanë diskutuar mbi temat aktuale”.

Lajmin në shqip së pari e ka publikuar portali lajme365.

Nga ana tjetër, Zyra e Gjuriqit ka njoftuar se në takim me Ambasadorin turk është diskutuar mbi, siç është cilësuar, “problemeve me furnizim me gjëra elementare ushqimore të popullatës serbe në Kosovë e Metohi”.

Në lidhje me këtë çështje ende nuk ka një reagim zyrtar nga institucionet e Kosovës.